Si lidhet diabeti me shëndetin e syve?
Kur dikush është diabetik ka gjithmonë rrezik për retinopati diabetike.
Retinopatia diabetike është një ndërlikim i diabetit që shkaktohet nga ndryshimet në enët e gjakut të retinës – membrana e ndjeshme e dritës që mbulon pjesën e pasme të syrit.
Këto enë gjaku të dëmtuara mund të rrjedhin lëng ose gjak dhe të zhvillojnë enë të reja të brishta dhe inde mbresë. Rezultati është shikimi i paqartë, i shtrembëruar dhe ndonjëherë edhe verbëri.
Nëse jeni diagnostikuar me retinopati diabetike, mjekët tanë do të marrin në konsideratë moshën tuaj, historinë mjekësore, stilin e jetës dhe shkallën e dëmtimit të retinës përpara se të rekomandojnë një trajtim.
Në shumë raste, trajtimi nuk është i nevojshëm, por do t’ju duhet të vazhdoni të bëni ekzaminime të rregullta.
Në raste të tjera, eskpertët tanë mund të rekomandojnë trajtim me lazer (fotokoagulimi), injeksione Anti-VEGF (Eylea, Lucentis, Avsastin, etj) dhe deri te kirurgjia e retinës për rastet më të rënda.
Procedura kirurgjikale e përdorur për trajtimin e retinopatisë diabetike në fazat e avancuara të saj quhet vitrektomi.
Gjatë kësaj procedure, mjekët tanë do të përdorin një mikroskop me fuqi të lartë dhe instrumente kirurgjikale delikate për të hequr “qelqin” e mbushur me gjak dhe për ta zëvendësuar atë me një zgjidhje të pastër.
Trajtimi me lazer dhe heqja e indit mbresë mund të jetë gjithashtu e nevojshme. Mund të përdoret anestezi e përgjithshme ose lokale.
Një grup fantastik për të punuar, shumë miqësorë. Iu përgjigjën gjithë pyetjeve të mira dhe më shpjeguan gjithë opsionet për të marrë vendimin më të mirë. Jashtëzakonisht profesional
Arianita Toci Petushi